هنعمل ايه فى بشرتنا بعد المصيف

1- أولا لازم قبل ما تنزلى من شقتك تغسلى وشك بماء وصابون وتدهنى وشك قبل نزول البحر مباشرة بكريم محترم واقى من الشمس ويكون مناسب للون بشرتك.لو هتقعدى فى الميه إنت أو الأولاد طبعا فترة طويلة حطى مرة كل ساعتين او تلاتة

2- بعد ماترجعى وتغسلى وشك كويس من الكريم الواقى وتاخدى دش حطى كريم ملطف للجلد يوميا بعد البحر وممكن مرتين فى اليوم
3- لو وشك قشر مافيش مشكلة ده هيرجع اللون بسرعة
4- بعد رجوعك من المصيف خالص وبعد ما البشرة تهدأ من التقشير والإلتهاب والإحمرار يعنى أسبوع مثلا من المصيف ولتجديد البشرة إبدأى فى استعمال منتج طبيعى لعلاج حروق الشمس وإرجاع اللون الأصلى للبشرة وانا مش لاقيه أفضل من ماسك الزيوت المغربى اللى بيرجع لون البشرة لأصلها وبيعالج آثار حروق الشمس وبيوحد لون البشرة وبيطريها وينعمها جدا وهتشوفى النتائج فى خلال 4 اسابيع ولا تضعيه على بشرة ملتهبة ودايما إستعمليه فى الليل .

. ومن ناحية تانية لا أنصح بالمنتجات الصناعية اللى بتبيض البشرة لأنها تحتوى على مواد غير صحية ومسرطنة احيانا.